ઓનલાઈન ડાયરો..

નમસ્કાર મિત્રો,સૌને દિપાવલીની હાર્દિક શુભેચ્છાઓ...

તમે લોકો ટોરન્ટ સાઈટ્સ વિષે તો જાણતા જ હશો. ન જાણતા હોય તો થોડુંક ગુગલીંગ કરજો, મળી જશે.
તેના પરથી ડાઉનલોડ કરવું એટલે ઘણીવાર માથાનો દુઃખાવો થઈ જાય. તમે ૯૯% સુધી ડાઉનલોડ કરી નાંખ્યું હોય અને પછી અચાનક જો સામેવાળો પોતાનું કમઠાણ બંધ કરી દે તો કામ પુરું. તમારું ડાઉનલોડ પછી ત્યાંનું ત્યાં જ અટકેલું રહી જાય. ઘણીવાર સ્પીડ ન આવે તો પણ ધાંધીયા.
આ બધા માંથી મુક્તિ એટલે ટોરીફીક

આ એક વેબસાઈટ છે, જે તમને ફ્રીમાં કોઈપણ ટોરન્ટ ડાઉનલોડ કરી આપશે, અને જ્યારે તેના સર્વરમાં ૧૦૦% ડાઉનલોડ થઈ જાય ત્યારે તમને મેઈલ દ્વારા તે લીંક આપશે. એટલે તમારે સીધું જ ત્યાંથી નોર્મલ ડાઉનલોડ કરતા હોય તેમ ડાઉનલોડ કરી લેવાનું.
હા, વાંકદેખુ પ્રવૃતિ ચાલુ કરો તો આના પણ અમુક વાંધા ખરા. જેવા કે, તમે જ્યારે તેને કોઈ ટોરન્ટની લીંક આપશો પછી તમારો વારો લાઈનમાં આવશે. જ્યારે વારો આવે ત્યારે જ તે ડાઉનલોડ કરવાનું ચાલુ કરશે. જો કે, મેં ટ્રાય કરી ત્યારે મને તેણે ૧૫ મીનીટ જ લાઈનમાં ઉભો રાખેલો.
હજુ પણ આવી કેટલીક સાઈટ્સ છે, તો જેને તેની લીંક ખબર હોય તે કોમેન્ટસની અંદર મુકજો.